April 17, 2023 In பத்திரிகை வெளியீடுகள்‚ பொதுச்செயலாளர் அறிக்கைகள் | Secretary General Reports 0 தமிழ்நாட்டில் கடந்த ஒரு வாரத்தில் மட்டும் நீர்நிலைகளில் மூழ்கி சிறுவர்கள், இளைஞர்கள் உட்பட 10க்கும் மேற்பட்டோர் உயிரிழந்ததாக ஊடகங்களில் வெளியான செய்திகள் வேதனையளிக்கின்றன. நீர்நிலைகள் முறையாக தூர்வாரப்படாததும், சட்டத்துக்குப் புறம்பாக அளவுக்கு அதிகமாக மணல் அள்ளப்படுவதும் உயிர் பலி ஏற்படுவதற்கு காரணம் என அந்தந்தப் பகுதி மக்கள் கருதுகின்றனர். மேலும், தமிழகத்தில் உள்ள பெரிய நீர்நிலைகளில் எச்சரிக்கை பலகைகள் வைப்பதுடன், சிறிய நீர் நிலைகளில் அந்தந்த கிராமங்களில் குழுக்களை உருவாக்கி முறையாக கண்காணிப்பிலும் ஈடுபட வேண்டும். நீர்நிலைகளில் மூழ்கி இனி யாரும் பலியாகக் கூடாது என்பதை உறுதிப்படுத்தும் வகையில் தமிழ்நாடு அரசு உடனே நடவடிக்கைகளை மேற்கொள்ள வேண்டும் என்று வலியுறுத்துகின்றேன்.
April 17, 2023 In தலைமைக் கழக அறிவிப்புகள் | Headquarter Announcements‚ பத்திரிகை வெளியீடுகள் 0 தலைமைக் கழக செய்தி வெளியீடு: மாவீரர் தீரன் சின்னமலை அவர்களின் பிறந்த நாள் : கழக பொதுச்செயலாளர் திரு.டிடிவி தினகரன் அவர்களின் சார்பில் கழக நிர்வாகிகள் மரியாதை செலுத்தினர்.
April 17, 2023 In பத்திரிகை வெளியீடுகள்‚ பொதுச்செயலாளர் அறிக்கைகள் | Secretary General Reports 0 மன்னராட்சி, ஆங்கிலேய ஆட்சிகளின் போது மக்களைத் துன்புறுத்தும் வரி விதிப்புகளுக்கு எதிராக அறச்சீற்றம் கொண்ட தீரன் சின்னமலையின் பிறந்த நாளை கொண்டாடுவதில் பெருமிதம் கொள்வோம். இளைஞர்களுக்கு தற்காப்பு கலை பயிற்சிகள் அளித்து நெஞ்சுரமிக்க தீரர்களாக தமிழர்களை உருவாக்கிய பெருமைக்கு உரிய தீரன் சின்னமலையின் துணிவு, இறைவனிடத்தில் பேரன்பு ஆகிய பண்புகளை தவறாமல் பின்பற்ற உறுதி ஏற்போம்.
April 16, 2023 In பத்திரிகை வெளியீடுகள்‚ பொதுச்செயலாளர் அறிக்கைகள் | Secretary General Reports 0 வீரபாண்டிய கட்டபொம்மனுக்கு ஆங்கிலேயர்களிடம் இருந்து வந்த பல நெருக்கடிகளில் அரண்போல இருந்து பாதுகாத்த மாவீரர் சுந்தரலிங்கனார் பிறந்த நாள் இன்று. மனித வெடிகுண்டாக மாறி தீப்பந்தங்களுடன் ஆங்கிலேயர்களின் வெடிமருந்து கிடங்குக்குள் தன் முறைப்பெண்ணுடன் சேர்ந்து குதித்து அழித்ததால் மாவீரர் என்று போற்றப்படும் சுந்தரலிங்கனார் அவர்களின் பிறந்த நாளில் துணிவுடனும், மன உறுதியுடனும் திகழ்வோம் என்ற உறுதியை முன்னெடுப்போம்.
April 15, 2023 In பத்திரிகை வெளியீடுகள்‚ பொதுச்செயலாளர் அறிக்கைகள் | Secretary General Reports 0 தருமபுரி அருகே தந்தையே மகனை ஆணவ படுகொலை செய்ததாகவும், மருமகளை கொடூரமாக தாக்கியதாகவும் வெளியாகி உள்ள தகவல்கள் அதிர்ச்சியளிக்கின்றன. தமிழ்நாட்டில் ஒரு மாதத்துக்குள் இரண்டு ஆணவ படுகொலைகள் நடைபெற்றுள்ள நிலையில், திமுக ஆட்சிக்கு வந்தால் சாதி ஆணவ படுகொலைகளைத் தடுக்க தனிசட்டம் இயற்றப்படும் என எதிர்கட்சித் தலைவராக இருந்தபோது கூறியதை முதல்வரான பின்னர் மறந்து விட்டாரோ என்று கருதத் தோன்றுகிறது. தற்போதைய சட்டப்பேரவைக் கூட்டத்தொடரிலேயே சாதி ஆணவ படுகொலைகளுக்கு எதிராக கடுமையான சட்டத்தை தாக்கல் செய்து நிறைவேற்ற வேண்டும் என்று கேட்டுக் கொள்கின்றேன்.
April 14, 2023 In பத்திரிகை வெளியீடுகள்‚ பொதுச்செயலாளர் அறிக்கைகள் | Secretary General Reports 0 சென்னை உயர்நீதிமன்ற உத்தரவையடுத்து கலங்கரை விளக்கம் முதல் பட்டினப்பாக்கம் வரை செல்லும் கடற்கரை லூப் சாலையில் அமைக்கப்பட்டுள்ள மீன்கடைகளை மாநகராட்சி அதிகாரிகள் அகற்றியதைக் கண்டித்து மீனவ சமுதாயத்தினர் தொடர் போராட்டத்தில் ஈடுபட்டுள்ளனர். இந்த நடவடிக்கையால் பட்டினப்பாக்கம் லூப் சாலையில் நூறு ஆண்டுகளுக்கு மேலாக பொதுமக்களுக்கு நேரடியாக மீன்களை விற்பனை செய்து வரும் மீனவர்கள் தங்களின் வாழ்வாதாரம் முற்றிலும் தடைபட்டுள்ளதாக கவலை தெரிவிக்கின்றனர். நீதிமன்ற உத்தரவை அமல்படுத்தும் போது மக்கள் மத்தியில் எழும் எதிர்ப்புகளை நீதிமன்றத்தில் முறைப்படி தெரிவித்து அதன் பின்னர் உரிய நடவடிக்கை எடுப்பதே சரியான வழியாக இருக்கும். அதை விடுத்து மாநகராட்சி அதிகாரிகள் அவசர, அவசரமாக மீனவர்களை வலுக்கட்டாயமாக அப்புறப்படுத்தியது ஏற்றுக்கொள்ள முடியாத செயலாகும். போராட்டத்தில் ஈடுபட்டு வரும் மீனவர்களுக்கு உரிய நீதி கிடைக்க தமிழ்நாடு முதலமைச்சர் உடனடியாக நடவடிக்கை எடுக்கவேண்டும் என்று வலியுறுத்துகிறேன்.
April 14, 2023 In தலைமைக் கழக அறிவிப்புகள் | Headquarter Announcements‚ பத்திரிகை வெளியீடுகள் 0 தலைமைக் கழக செய்தி வெளியீடு டாக்டர்.பி.ஆர்.அம்பேத்கர் அவர்களின் பிறந்த நாள்; அம்மா மக்கள் முன்னேற்றக் கழகத்தின் சார்பில் மரியாதை!
April 14, 2023 In பத்திரிகை வெளியீடுகள்‚ பொதுச்செயலாளர் அறிக்கைகள் | Secretary General Reports 0 அறுவடை திருநாளான விஷூ புத்தாண்டை கொண்டாடும் நமது திராவிட சொந்தங்களான கேரள மாநில மக்களுக்கு என் இனிய வாழ்த்துகளைத் தெரிவித்துக்கொள்கின்றேன். கேரளமக்களின் உணர்வோடு ஒன்றிவிட்ட கனி காணும் விழாவான விஷூ புத்தாண்டு கேரள மக்களுக்கு செழிப்பையும், மகிழ்ச்சியை அளிக்கட்டும் என்று இறைவனிடம் பிரார்த்திக்கின்றேன். தமிழ்நாட்டில் உள்ள மலையாள சொந்தங்களுக்கு மட்டுமின்றி, உலகம் முழுவதும் உள்ள மலையாள சகோதர, சகோதரிகளையும் விஷூ புத்தாண்டு தருணத்தில் வாழ்த்துவதில் பெருமிதம் கொள்கின்றேன்.
April 14, 2023 In பத்திரிகை வெளியீடுகள்‚ பொதுச்செயலாளர் அறிக்கைகள் | Secretary General Reports 0 இந்தியாவின் அரசியலமைப்பு சட்டத்தை கட்டமைத்த சட்டமேதை பி.ஆர். அம்பேத்கர் அவர்களின் 133 ஆவது பிறந்த நாளை கொண்டாடுவதில் பெருமிதம் கொள்கின்றோம். அம்பேத்கர் அவர்களின் பிறந்தநாளில் நம் நாட்டின் அரசியல் சாசனத்தின் வழிநடப்பதுடன், கல்வி, வேலைவாய்ப்பு ஆகியவற்றில் அனைவருக்கும் சம உரிமை அளிக்க வேண்டும் என்ற பி.ஆர். அம்பேத்கர் அவர்களின் சிந்தனைகள் செயலாக்கம் பெற வேண்டும் என்று வலியுறுத்துகின்றேன்.
April 13, 2023 In பத்திரிகை வெளியீடுகள்‚ பொதுச்செயலாளர் அறிக்கைகள் | Secretary General Reports 0 பஞ்சாப் மாநிலம் பதிண்டா ராணுவ முகாமில் நேற்று நடைபெற்ற துப்பாக்கிச்சூடு தாக்குதலில் தேனி மாவட்டம் தேவாரம் அருகில் உள்ள மூனாண்டிபட்டியை சேர்ந்த ராணுவ வீரர் யோகேஷ் குமார் மற்றும் சேலம் மாவட்டம் வனவாசி பணங்காடு பகுதியை சேர்ந்த ராணுவ வீரர் கமலேஷ் ஆகியோர் உயிரிழந்துள்ள செய்தி அறிந்து அதிர்ச்சியடைந்தேன். துடிப்பு மிக்க இளம் ராணுவ வீரர்களை இழந்து வாடும் குடும்பத்தினர், நண்பர்களுக்கு எனது ஆழ்ந்த இரங்கலைத் தெரிவித்துக் கொள்கின்றேன்.