தமிழக மக்களின் மனங்களில் நிறைந்து வாழும் ‘திராவிட இயக்கத்தின் மணிமகுடம்’ புரட்சித்தலைவி அம்மா அவர்களின் மக்கள் நலக்கொள்கைகளை தொடர்ந்து நிலைநாட்டிடவும், தமிழ்நாட்டின் உரிமைகள் பறிபோவதைத் தடுத்து நிறுத்தி ஒவ்வொரு தமிழரையும் தலை நிமிர்ந்து வாழ வைத்திடவுமே அம்மா மக்கள் முன்னேற்றக் கழகம் தொடங்கப்பட்டது. தன்மானம் குறையாமல் தமிழகத்தை வளர்ச்சிப் பாதையில் கொண்டு செல்வதே இந்த இயக்கத்தின் முதன்மை நோக்கம்.
எந்த வகையிலும் ஏற்றத் தாழ்வு இல்லாத சமூகத்தை உருவாக்கிடவும், உணவு, உடை, உறைவிடம், கல்வி, சுகாதாரம் ஆகிய அத்தியாவசியத் தேவைகளில் தன்னிறைவு பெற்று, தனித்துவம் மிக்கத் தமிழராக, பெருமைமிகு இந்தியராக ஒவ்வொருவரும் முழுச் சுதந்திரத்துடன், பொருளாதார ஏற்றம் கண்டு வாழ்ந்திடுவதற்கான வழிவகை செய்வதும், இயற்கை நமக்கு அள்ளித்தந்த வளங்களை பாதுகாப்பதுமே அம்மா மக்கள் முன்னேற்றக் கழகத்தின் அடிப்படை கொள்கை.