சமீபத்திய செய்தி

உலகெங்கிலும் பரந்து விரிந்திருக்கும் மீனவ சமுதாய மக்களின் வாழ்க்கையைப் போற்றும் விதமாக கொண்டாடப்படும் உலக மீனவர்கள் தினம் இன்று. மழை, புயல் போன்ற இயற்கை பேரிடர்களாலும், இலங்கை கடற்படையினரின் அத்துமீறல்களாலும் மிகுந்த இன்னல்களுக்குள்ளாகி வரும் தமிழக மீனவர்களின் மீன்பிடி உரிமைகளை மீட்டிடவும், அவர்களின் வாழ்க்கைத் தரத்தை உயர்த்திடவும் இந்நாளில் நாம் அனைவரும் உறுதியேற்போம்.
ஓசூர் நீதிமன்ற நுழைவு வாயிலில் வழக்கறிஞர் மீது கொலைவெறித் தாக்குதல் – தமிழகத்தில் சட்டம் – ஒழுங்கை அதளபாதாளத்திற்கு கொண்டு சென்றிருக்கும் திமுக அரசின் மெத்தனப் போக்கு கடும் கண்டனத்திற்குரியது. கிருஷ்ணகிரி மாவட்டம் ஒசூர் நீதிமன்ற வளாகத்தின் நுழைவு வாயிலில் வழக்கறிஞர் ஒருவர் மீது நடத்தப்பட்ட கொடூரத் தாக்குதலில், உயிருக்கு ஆபத்தான நிலையில் மருத்துவமனையில் சிகிச்சைக்காக அனுமதிக்கப்பட்டிருப்பதாக செய்திகள் வெளியாகியுள்ளன. வட்டாட்சியர் அலுவலகம், காவல் நிலையம், போக்குவரத்து புலனாய்வு பிரிவு உள்ளிட்ட அரசு அலுவலகங்கள் இயங்கிவரும் நீதிமன்ற வளாகத்திற்குள்ளாகவே வழக்கறிஞர் மீது கொலை வெறித்தாக்குதல் நடத்தும் அளவிற்கு சட்டம் – ஒழுங்கை அதளபாதாளத்திற்கு கொண்டு சென்றிருக்கும் திமுக அரசின் மெத்தனப்போக்கு கடும் கண்டனத்திற்குரியது. தஞ்சாவூர் மாவட்டத்தில் அரசுப்பள்ளி ஆசிரியை குத்திக் கொலை செய்யப்பட்ட செய்தியின் சுவடுகள் மறைவதற்கு முன்பாகவே ஒசூரில் வழக்கறிஞர் மீது பட்டப்பகலில் நடத்தப்பட்டிருக்கும் கொலைவெறித் தாக்குதல் தமிழகத்தில் யாருக்குமே பாதுகாப்பில்லை என்பதை மீண்டும், மீண்டும் தெளிவுபடுத்தும் வகையில் அமைந்திருக்கிறது. எனவே, நீதிமன்ற வளாகத்தில் வழக்கறிஞரை அரிவாளால் வெட்டிய நபர் மீது கடுமையான நடவடிக்கை எடுப்பதோடு, இனிவரும் காலங்களில் இதுபோன்ற அசம்பாவித சம்பவங்கள் நடைபெறாத வகையில் வழக்கறிஞர்களின் பாதுகாப்பை உறுதி செய்ய வேண்டும் என தமிழக அரசை வலியுறுத்துகிறேன்.
தஞ்சாவூரில் அரசுப் பள்ளி வளாகத்திற்குள் புகுந்து ஆசிரியை குத்திக் கொலை – தமிழகத்தில் அடியோடு சீர்குலைந்திருக்கும் சட்டம் ஒழுங்கை சீரமைப்பது எப்போது ? தஞ்சாவூர் மாவட்டம் மல்லிப்பட்டினம் அரசு மேல்நிலைப் பள்ளியில் வகுப்பறையில் பாடம் நடத்திக் கொண்டிருந்த ஆசிரியை ஒருவர் குத்திக் கொலை செய்யப்பட்டிருப்பதாக ஊடகங்களில் வெளியாகியிருக்கும் செய்திகள் மிகுந்த அதிர்ச்சியளிக்கின்றன. அண்மையில் கிண்டி அரசு பன்னோக்கு மருத்துவமனையில் மருத்துவர் பாலாஜி மீதான தாக்குதல் சம்பவம் ஏற்படுத்திய அதிர்வலைகள் அடங்குவதற்கு முன்பாகவே அரசுப் பள்ளி வளாகத்திற்குள் நடந்திருக்கும் இந்த கொலைச் சம்பவம் ஒட்டுமொத்த ஆசிரியர்களின் பாதுகாப்பையும் கேள்விக்குறியாக்கியுள்ளது. திமுக ஆட்சிப் பொறுப்பேற்ற மூன்றரை ஆண்டுகளில் கொலை, கொள்ளை, பெண்களுக்கு எதிரான குற்றச் சம்பவங்கள் நடைபெறாத நாட்களே இல்லை என்று சொல்லும் அளவிற்கு தமிழகத்தில் அடியோடு சீர்குலைந்திருக்கும் சட்டம் – ஒழுங்கு சீர்கேடுகளை இச்சம்பவம் மீண்டும் ஒருமுறை உறுதிப்படுத்தும் வகையில் அமைந்துள்ளது. தமிழகத்தில் பொதுமக்கள் தொடங்கி அரசு ஊழியர்கள், ஆசிரியர்கள், காவலர்கள், மருத்துவர்கள், பத்திரிகையாளர்கள் என யாருக்குமே பாதுகாப்பில்லாத சூழலை உருவாக்கியிருக்கும் திமுக அரசின் அலட்சியப் போக்கு கடும் கண்டனத்திற்குரியது . எனவே, இனியாவது விழித்து தமிழகத்தில் சந்தி சிரிக்கும் சட்டம் ஒழுங்கு சீர்கேடுகளை களையத் தேவையான நடவடிக்கைகளை எடுப்பதோடு, அரசுப்பள்ளி ஆசிரியர்கள் பாதுகாப்பான சூழலில் பணியாற்றுவதற்கான சூழலை ஏற்படுத்தித் தர வேண்டும் என தமிழக அரசை வலியுறுத்துகிறேன்.
அத்துமீறி பறிமுதல் செய்யப்பட்ட தமிழக மீனவர்களின் படகுகளை இலங்கை கடற்படை பயன்படுத்த அந்நாட்டு அரசு அனுமதி – தமிழக மீனவர்களின் வாழ்வாதாரத்தை அடியோடு சிதைக்கும் இலங்கை அரசின் முடிவு கடும் கண்டனத்திற்குரியது. தமிழக மீனவர்களை கைது செய்யும் இலங்கை கடற்படை, அவர்களின் மீன்பிடி படகுகளையும் பறிமுதல் செய்து தொடர் அட்டூழியத்தில் ஈடுபட்டு வரும் நிலையில், பறிமுதல் செய்யப்பட்ட தமிழக மீனவர்களின் படகுகளை இலங்கை கடற்படை பயன்படுத்துவதற்கான அனுமதியை அந்நாட்டு அரசு வழங்கியிருப்பதாக வெளியாகியிருக்கும் செய்திகள் மிகுந்த அதிர்ச்சியளிக்கின்றன. வாழ்வாதாரத்திற்காக கடலுக்குச் செல்லும் தமிழக மீனவர்களை அத்துமீறி கைது செய்வது, அவர்களின் படகுகளை பறிமுதல் செய்து தாங்க முடியாத அளவிற்கு அபராதம் விதிப்பது, அபராதம் செலுத்த தவறினால் சிறையில் அடைத்து கொடுமைப்படுத்துவது என இலங்கை அரசின் மனித உரிமை மீறல் சம்பவங்கள் தொடர்கதையாகி வருவது கடும் கண்டனத்திற்குரியது. இந்நிலையில், எல்லை தாண்டியதாக கூறி பறிமுதல் செய்யப்படும் தமிழக மீனவர்களின் படகுகளை இலங்கை கடற்படை பயன்படுத்துவதற்கான அனுமதியை அந்நாட்டு அரசு வழங்கியிருப்பது ஒட்டுமொத்த தமிழக மீனவர்கள் மத்தியிலும் கடும் கொந்தளிப்பை ஏற்படுத்தியுள்ளன. எனவே, தமிழக மீனவர்களின் வாழ்வாதாரத்தை அடியோடு சிதைக்கும் இலங்கை அரசின் முடிவை ஆரம்ப நிலையிலேயே தடுத்து நிறுத்துவதோடு, இலங்கை கடற்படையால் கைது செய்யப்பட்டு சிறையில் அடைக்கப்பட்டிருக்கும் நூற்றுக்கும் அதிகமான மீனவர்களையும், பறிமுதல் செய்யப்பட்டிருக்கும் படகுகளையும் முழுமையாக மீட்கத் தேவையான நடவடிக்கைகளை மேற்கொள்ளுமாறு மத்திய மாநில அரசுகளை வலியுறுத்துகிறேன்.
ஆக்கிரமிப்பு எனும் பெயரில் குடியிருப்புகளை அகற்றி பொதுமக்களை அகதிகளாக்குவது தான் திராவிட மாடல் அரசின் சாதனையா ? – தச்சு தொழிலாளியின் தற்கொலைக்கு நீதிகேட்டு போராடிய பொதுமக்கள் மீது தடியடி நடத்தியிருக்கும் காவல்துறையின் நடவடிக்கை கடும் கண்டனத்திற்குரியது. திருவள்ளூர் மாவட்டம் திருவேற்காடு நகராட்சிப் பகுதியில் உள்ள கோலடி ஏரியை ஆக்கிரமித்திருப்பதாக கூறி ஆயிரத்திற்கும் அதிகமான குடியிருப்புகளை இடிக்க வருவாய்த்துறை அதிகாரிகள் நோட்டீஸ் ஒட்டியதில், மனமுடைந்த தச்சுத் தொழிலாளி ஒருவர் தற்கொலை செய்து கொண்டிருப்பதாக நாளிதழ்களில் செய்திகள் வெளியாகியுள்ளன. தச்சுத் தொழிலாளியின் தற்கொலைக்கு நீதி கோரியும், குடியிருப்புகளை அகற்றும் அரசின் முடிவுக்கு எதிர்ப்பு தெரிவித்தும் போராடிய நூற்றுக்கணக்கான பொதுமக்கள் மீது தடியடி நடத்தியிருப்பதோடு அவர்களை வலுக்கட்டாயமாக கைது செய்திருக்கும் காவல்துறையின் நடவடிக்கை கடும் கண்டனத்திற்குரியது. திருவேற்காடு நகராட்சிப் பகுதியில் பன்னெடுங்காலமாக வசித்து வரும் ஆயிரக்கணக்கான குடும்பங்களுக்கு எந்தவித மாற்று ஏற்பாடுகளையும் செய்துத் தராமலும், முன்னறிவிப்பு இல்லாமலும் குடியிருப்புகளை அகற்றி பொதுமக்களை வெளியேற்றத் துடிக்கும் திமுக அரசின் அதிகாரப்போக்கு கடும் கண்டனத்திற்குரியது. எனவே, ஆக்கிரமிப்பு எனும் பெயரில் குடியிருப்புகளை அகற்றி பொதுமக்களை அகதிகளாக்கும் முடிவை உடனடியாக கைவிடுவதோடு, அரசு நிர்வாகத்தின் நடவடிக்கையால் மனமுடைந்து தற்கொலை செய்து கொண்டதாக கூறப்படும் தச்சுத் தொழிலாளியின் குடும்பத்தினருக்கு உரிய இழப்பீடு வழங்க வேண்டும் என தமிழக அரசை வலியுறுத்துகிறேன்.
தஞ்சாவூர் சாஸ்த்ரா பல்கலைக்கழக வேந்தர் திரு.சேதுராமன் அவர்களின் மனைவியும், பல்கலைக்கழக பொறுப்பாளருமான திருமதி.சந்திரா சேதுராமன் அவர்கள் இயற்கை எய்திய செய்தி மிகுந்த வருத்தத்தை அளிக்கிறது.திருமதி.சந்திரா சேதுராமன் அவர்களை இழந்துவாடும் குடும்பத்தினர் மற்றும் உறவினர்களுக்கு எனது ஆழ்ந்த இரங்கலை தெரிவித்துக் கொள்வதோடு அன்னாரது ஆன்மா இறைவன் திருவடி நிழலில் இளைப்பாற எல்லாம்வல்ல இறைவனை பிரார்த்திக்கிறேன்.
தமிழகத்தின் முதல் பல்லுயிர் பாரம்பரிய தலமான மதுரை அரிட்டாபட்டியில் டங்ஸ்டன் (Tungsten) சுரங்கம் அமைக்க முடிவா ? – பல்லுயிர்களுக்கும், சுற்றுச்சூழலுக்கும் பாதிப்பை ஏற்படுத்தும் திட்டத்திற்கு வழங்கிய அனுமதியை மத்திய அரசு திரும்பப் பெற வேண்டும். மதுரை மாவட்டத்தில் அமைந்துள்ள அரிட்டாபட்டியை உள்ளடக்கிய 2015 ஹெக்டர் பரப்பளவில் டங்ஸ்டன் (Tungsten) சுரங்கம் அமைப்பதற்கான அனுமதியை வேதாந்தா நிறுவனத்தின் துணை நிறுவனமான இந்துஸ்தான் ஜிங்க் நிறுவனத்திற்கு மத்திய அரசு வழங்கியிருப்பதாக செய்திகள் வெளியாகியுள்ளன. மதுரை மாவட்டம் மேலூர் வட்டத்திற்குட்பட்ட அரிட்டாபட்டி மற்றும் மதுரை கிழக்கு வட்டத்திற்கு உட்பட்ட மீனாட்சிபுரம் ஆகிய கிராமங்களில் உள்ள 193 ஹெக்டேர் பரப்பளவிலான பகுதிகளை பல்லுயிர் பாரம்பரிய தலமாக தமிழக அரசு அறிவித்துள்ள நிலையில், அந்த இடத்தில் டங்ஸ்டன் (Tungsten) சுரங்கம் அமைக்க மத்திய அரசு முயற்சிப்பது எந்த வகையிலும் ஏற்க முடியாத ஒன்றாக உள்ளது. 250 பறவையினங்கள், அரியவகை வனவிலங்குகள், 72 ஏரிகள், 200 இயற்கை நீரூற்று குளங்கள் என பறவைகள் மற்றும் விலங்குகளின் வாழ்விடமாகவும், சமண சிற்பங்கள், சமண படுக்கைகள், தமிழ் கல்வெட்டுகள், பழமையான குடவரைக்கோயில்கள் என பண்டைய கால பாரம்பரியத்தை பறைசாற்றும் புராதான சின்னங்களின் அடையாளமாகவும் திகழும் அரிட்டாபட்டியில் டங்ஸ்டன் (Tungsten) சுரங்கம் அமைப்பது பல்லுயிர்களுக்கும் சுற்றுச்சூழலுக்கும் பாதிப்பை ஏற்படுத்தும் என சுற்றுச்சூழல் ஆர்வலர்கள் தெரிவிக்கின்றனர். எனவே, அரிட்டாபட்டியில் டங்ஸ்டன் (Tungsten) சுரங்கம் அமைக்க வழங்கிய அனுமதியை உடனடியாக திரும்பப் பெறுவதோடு இனிவரும் காலங்களில் தமிழகத்தில் பல்லுயிர்களுக்கும், சுற்றுச்சூழலுக்கும் பாதிப்பை ஏற்படுத்தும், தமிழர்களின் வரலாற்றையும் அழிக்கும் வகையிலான எந்த திட்டங்களுக்கும் அனுமதி வழங்கக் கூடாது எனவும் மத்திய அரசை வலியுறுத்துகிறேன்.

அம்மா மக்கள் முன்னேற்றக் கழக போராட்டங்கள்

Protest

wdt_ID	தேதி / நாள்	அறிவிப்புகள் தலைப்பு	விவரங்கள் பதிவிறக்கம் செய்ய
5	12/10/2022	துறைகள்தோறும் முறைகேடுகள், மின் கட்டண உயர்வு, தேர்தல் வாக்குறுதிகளை நிறைவேற்றாமல் ஏமாற்றுதல், அமைச்சர்களின் அடாவடிப் பேச்சு உள்ளிட்ட தி.மு.க அரசின் மக்கள் விரோத செயல்பாடுகளைக் கண்டித்து கழகத்தின் சார்பில் அனைத்து வருவாய் மாவட்டங்களிலும் கண்டன ஆர்ப்பாட்டங்கள்; சென்னை மாவட்டத்தில் நடைபெற்ற கண்டன ஆர்ப்பாட்டத்தில் கழக பொதுச்செயலாளர் திரு.டிடிவி தினகரன் அவர்கள் பங்கேற்று கண்டன பேருரையாற்றினார்கள்.
6	10/04/2022	தமிழ்நாட்டில் வீடுகளுக்கான சொத்து வரியை 100% வரையிலும், வணிக இடங்களுக்கான சொத்துவரியை 150% வரையிலும் கொஞ்சமும் மனசாட்சியின்றி தி.மு.க அரசு உயர்த்தியிருப்பதைக் கண்டித்து, தஞ்சாவூர் வடக்கு மாவட்ட கழகத்திற்குட்பட்ட கும்பகோணம்- காந்தி பூங்கா அருகில் நடைபெற்ற ஆர்ப்பாட்டத்தில் கழக பொதுச்செயலாளர் திரு.டிடிவி தினகரன் பங்கேற்று கண்டன பேருரையாற்றினார்கள்.
7	14/03/2022	அரசியலமைப்புச் சட்டத்தை காலில் போட்டு மிதித்து, மேகேதாட்டுவில் அணை கட்ட அதற்கான நிதி ஒதுக்கியிருக்கும் கர்நாடக அரசைக் கண்டித்தும், மேகேதாட்டு அணையைத் தடுத்து நிறுத்த மத்திய-மாநில அரசுகள் உரிய நடவடிக்கை எடுக்க வலியுறுத்தியும், திருச்சியில் நடைபெற்ற மாபெரும் ஆர்ப்பாட்டத்திற்கு கழக பொதுச்செயலாளர் திரு.டிடிவி தினகரன் அவர்கள் தலைமையேற்று, கண்டன பேருரையாற்றினார்கள்.
8	10/01/2019	தருமபுரி மற்றும் கிருஷ்ணகிரி மாவட்டங்களில், தென்பெண்ணை ஆற்றின் உபரி நீர் மூலம் எண்ணேகால்புதூர் மற்றும் அளியாளம் அணைக்கட்டு வழங்கு வாய்கால்களை நீட்டிப்பு செய்து, ரூபாய் 377 கோடி மதிப்பீட்டில், மாண்புமிகு அம்மா அவர்களின் திட்டத்தை கிடப்பில் போட்டுள்ள பழனிசாமி அரசைக் கண்டித்து தருமபுரி மாவட்டம், பாலக்கோடு பேருந்து நிலையம் அருகில் நடைபெற்ற, மாபெரும் கண்டன ஆர்ப்பாட்ட கழக பொதுச்செயலாளர் திரு.டிடிவி தினகரன் அவர்கள் பங்கேற்று கண்டன பேருரை ஆற்றினார்கள்.
9	06/01/2019	என்.எல்.சி நிறுவனம் தனது மூன்றாவது சுரங்கப்பணிக்காக 12ஆயிரம் ஏக்கருக்கும் மேற்பட்ட விளை நிலங்களை கையகப்படுத்துவதை கண்டித்து கடலூர் மாவட்டம், சேத்தியாத்தோப்பில் 06.01.2019 அன்று நடைபெற்ற கண்டன ஆர்பாட்டத்தில் கழக பொதுச்செயலாளர் திரு.டிடிவி தினகரன் அவர்கள் கலந்துகொண்டு கண்டன பேருரை ஆற்றினார்கள்.
10	26/12/2018	சமவேலைக்கு சம ஊதியம்” வழங்க வலியுறுத்தியும், 7-வது ஊதியக்குழுவில் ஊதிய முரண்பாடுகளை களைய கோரியும் இடைநிலை ஆசிரியர்கள் தொடர் போராட்டம்: கழக பொதுச்செயலாளர் திரு.டிடிவி தினகரன் அவர்கள் நேரில் சந்தித்து, அவர்களது போராட்டத்திற்கு ஆதரவு தெரிவித்தார்கள்.
11	16/11/2018	குடியாத்தம் சட்டமன்றத்தொகுதி மக்களின் கோரிக்கைகளையும், மேம்பாட்டையும், முற்றிலுமாக புறந்தள்ளி அவர்களை வஞ்சிக்கும் மனப்பான்மையுடன் நடந்துகொள்ளும் எடப்பாடி பழனிச்சாமி அரசின் மக்கள் விரோத மனநிலையை சுட்டிக்காட்டி கழகத்தின் சார்பில் வேலூர் மாவட்டத்தில் நடைபெற்ற உண்ணாவிரத அறப்போராட்டத்தில் கழக பொதுச்செயலாளர் திரு.டிடிவி தினகரன் அவர்கள் கலந்துகொண்டு நிறைவுரையாற்றினார்கள்.
12	15/11/2018	பாப்பிரெட்டிப்பட்டி சட்டமன்றத்தொகுதி மக்களின் கோரிக்கைகளையும், மேம்பாட்டையும், முற்றிலுமாக புறந்தள்ளி அவர்களை வஞ்சிக்கும் மனப்பான்மையுடன் நடந்துகொள்ளும் எடப்பாடி பழனிச்சாமி அரசின் மக்கள் விரோத மனநிலையை சுட்டிக்காட்டி கழகத்தின் சார்பில் தருமபுரி மாவட்டத்தில் நடைபெற்ற உண்ணாவிரத அறப்போராட்டத்தில் கழக பொதுச்செயலாளர் திரு.டிடிவி தினகரன் அவர்கள் கலந்துகொண்டு நிறைவுரையாற்றினார்கள்.
13	11/11/2018	நிலக்கோட்டை சட்டமன்றத்தொகுதி மக்களின் கோரிக்கைகளையும், மேம்பாட்டையும், முற்றிலுமாக புறந்தள்ளி அவர்களை வஞ்சிக்கும் மனப்பான்மையுடன் நடந்துகொள்ளும் எடப்பாடி பழனிச்சாமி அரசின் மக்கள் விரோத மனநிலையை சுட்டிக்காட்டி கழகத்தின் சார்பில் திண்டுக்கல் மாவட்டத்தில் நடைபெற்ற உண்ணாவிரத அறப்போராட்டத்தில் கழக பொதுச்செயலாளர் திரு.டிடிவி தினகரன் அவர்கள் கலந்துகொண்டு நிறைவுரையாற்றினார்கள்.
14	10/11/2018	ஆண்டிப்பட்டி சட்டமன்றத்தொகுதி மக்களின் கோரிக்கைகளையும், மேம்பாட்டையும், முற்றிலுமாக புறந்தள்ளி அவர்களை வஞ்சிக்கும் மனப்பான்மையுடன் நடந்துகொள்ளும் எடப்பாடி பழனிச்சாமி அரசின் மக்கள் விரோத மனநிலையை சுட்டிக்காட்டி கழகத்தின் சார்பில் தேனி மாவட்டத்தில் நடைபெற்ற உண்ணாவிரத அறப்போராட்டத்தில் கழக பொதுச்செயலாளர் திரு.டிடிவி தினகரன் அவர்கள் கலந்துகொண்டு நிறைவுரையாற்றினார்கள்.

கழகம்

தலைமை

வெளியீடுகள்

ஊடகம்

அலுவலகம்

முகவரி:

தலைமைக் கழக அலுவலகம்
எண்: 15, வெஸ்ட் காட் ரோடு, ராயப்பேட்டை,
சென்னை – 600 014

மின்னஞ்சல்:

officeofttv@gmail.com

தொடர்பு கொள்ள:

044 – 2848 1235

Copyright © 2024 AMMK. All Rights Reserved.