பொதுச்செயலாளர் அறிக்கைகள் | Secretary General Reports – Page 92

January 26, 2023

நாட்டின் உயரிய பத்ம விருதுகளுக்கு தேர்ந்தெடுக்கப்பட்டுள்ள தமிழ்நாட்டைச் சேர்ந்த பாடகி திருமதி.வாணி ஜெயராம், திரு.கல்யாணசுந்தரம் பிள்ளை, திரு.வடிவேல் கோபால், திரு.மாசி சடையன், திரு.பாலம் கல்யாண சுந்தரம், டாக்டர்.கோபாலஸ்வாமி வேலுசாமி மற்றும் புதுச்சேரியை சேர்ந்த டாக்டர். நளினி பார்த்தசாரதி ஆகியோரை பாராட்டி மகிழ்கிறேன். அவரவர் துறைகளில் இன்னும் பல சாதனைகளைப் புரிந்து நம்முடைய தேசத்திற்கு பெருமை தேடித்தர வாழ்த்துகிறேன்.

January 25, 2023

குட்கா, பான் மசாலா உள்ளிட்ட புகையிலைப் பொருட்களுக்கு விதிக்கப்பட்டிருந்த தடையை சென்னை உயர்நீதிமன்றம் ரத்து செய்திருப்பது பெரும் அதிர்ச்சியையும், கவலையையும் அளிக்கிறது.

January 25, 2023

அன்னை தமிழ்மொழியைக் காத்திட தங்கள் இன்னுயிரை ஈந்த மொழிப்போர் தியாகிகளைப் போற்றிடும் வீரவணக்க நாளில் அவர்களை தாய்மொழிப்பற்றோடு நினைவு கூர்ந்து வணங்கிடுவோம். ‘மொழிதான் ஓர் இனத்தின் அடையாளம்’ என்பதை மறவாமல், அன்னைத் தமிழ் மொழியைக் காத்திட இந்நாளில் உறுதி ஏற்போம்.

January 23, 2023

“இன்னொரு பிறவி எடுத்தால் அதில் தமிழனாக பிறக்க வேண்டும்” என்று சொல்லி தமிழர்களையும், தமிழ்நாட்டையும் உள்ளார்ந்து நேசித்த வீரத்திருமகன் நேதாஜி சுபாஷ் சந்திரபோஸ் அவர்களின் பிறந்த நாள் இன்று! தாய்நாட்டின் மீது கொண்ட நேசத்திற்காக எண்ணற்ற தியாகங்களைப் புரிந்து, இந்திய மக்களின் மனங்களில் நிறைந்திருக்கும் மாவீரர் நேதாஜியின் தீரத்தையும் தியாகங்களையும் வணங்கிடுவோம்.

January 19, 2023

திரைப்பட நடிகர் வடிவேலு அவர்களின் தாயார் திருமதி.சரோஜினி மறைந்தார் என்ற செய்தி அறிந்து வருத்தமடைந்தேன். தாயை இழந்துவாடும் திரு.வடிவேலு அவர்களுக்கும், அவரது குடும்பத்தாருக்கும் எனது ஆழ்ந்த இரங்கலைத் தெரிவித்துக்கொள்கிறேன்.

January 17, 2023

பொன்மனச்செம்மல் புரட்சித்தலைவர் டாக்டர் எம்.ஜி.ஆர் அவர்களின் 106வது பிறந்த நாள் விழா. விழுப்புரம் மாவட்டம், கோட்டக்குப்பம் நகராட்சி அலுவலகம் எதிரில் அமைந்துள்ள புரட்சித்தலைவர் அவர்களின் திருவுருவச்சிலைக்கு மாலை அணிவித்து மரியாதை செலுத்தப்பட்டது.

January 16, 2023

ஒட்டுமொத்த உலகத்திற்கும் பொதுமறை என்று சொல்லத்தக்க வகையில் அனைத்தையும் உள்ளடக்கிய திருக்குறளைத் தந்திட்ட திருவள்ளுவரின் தினமாக இன்றைய நாளை கொண்டாடுகிறோம். திருக்குறள் காட்டும் உயர்ந்த நெறிகளோடு நாம் ஒவ்வொருவரும் நம்முடைய வாழ்வினை அமைத்துக்கொள்வோம். இதயதெய்வம் புரட்சித்தலைவி அம்மா அவர்களின் கோரிக்கையான திருக்குறளைத் தேசிய நூலாக்க வேண்டும் என்ற நம்முடைய நெடுநாள் எண்ணத்தை நனவாக்க இந்நாளில் உறுதி ஏற்போம்.

January 15, 2023

தென் தமிழகத்தின் வாழ்வாதாரமாக திகழும் முல்லைப் பெரியாறு அணையை கட்டிய ஆங்கிலேய பொறியாளர் கர்னல் ஜான் பென்னிகுவிக் அவர்களின் பிறந்தநாள் இன்று. தலைமுறைகளை தாண்டி கொண்டாடப்படும் அந்த மாமனிதர், கட்டிய அணை இன்றும் லட்சோபலட்ச குடும்பங்களை வாழ்வித்துக் கொண்டிருக்கிறது. இந்த அணைக்காக தன் குடும்பத்தின் சொத்து சுகங்களை இழந்த கர்னல் ஜான் பென்னிகுவிக் அவர்களின் தியாகம் இனம், மதம், மொழி, நாடு எல்லைகளை தாண்டி மனித நேயத்தின் அடையாளச் சின்னமாக வரலாற்றில் என்றும் நிலைத்திருக்கும்.

January 13, 2023

தமிழர்களின் தனிப்பெரும் விழாவாம் பொங்கல் திருநாளைக்
கொண்டாடி மகிழும் தமிழ் உறவுகள் அனைவருக்கும் மனமுவந்த
வாழ்த்துகளைத் தெரிவித்துக் கொள்கிறேன்.

January 12, 2023

சிவகங்கை மாவட்டம் தேவகோட்டை அருகேயுள்ள கண்ணங்கோட்டையில் இரட்டைக் கொலையுடன் கொள்ளை சம்பவம் நிகழ்ந்திருப்பது பெரும் அதிர்ச்சி அளிக்கிறது. திருமணத்திற்காக வாங்கி வைக்கப்பட்டிருந்த நகைகள், வெள்ளிப்பொருட்கள் கொள்ளையடிக்கப்பட்டிருக்கின்றன. இதற்காக பெண்கள் இரண்டு பேர் கொல்லப்பட்டிருப்பது தமிழ்நாட்டில் கொள்ளையர்களுக்கு தி.மு.க. ஆட்சியில் எந்த அளவிற்கு துணிச்சல் வந்திருக்கிறது என்பதும் தமிழ்நாட்டின் இன்றைய சட்டம்-ஒழுங்கின் நிலைக்கு ஒர் எடுத்துக்காட்டு. இந்த கொலை, கொள்ளைக்கு காரணமானவர்கள் உடனடியாக கைது செய்யப்படவேண்டும். பாதிக்கப்பட்ட கண்ணங்கோட்டை திரு.செல்லையா குடும்பத்தினருக்கு உரிய நீதி கிடைக்கவேண்டும்.

கழகம்

தலைமை

வெளியீடுகள்

ஊடகம்

அலுவலகம்